باستا الاعشاب با الدجاج .

**Admin** الجمعة أغسطس 05, 2011 7:22 pm

باستا الاعشاب با الدجاج ..

المقادير

صدور دجاج الكميه اختياري مقطعه شرايح متوسطة الطول
ومتبله في ملعقتين صويا صوص واي بزار مشكل ..
بصل + ثوم + زبده + شوي زيت + مشروم + وذره

الطريقه

نشوح البصل والثوم في الزبده والزيت لمن تذبل وتصير صفراء
نحط الدجاج ونقلبها لمن يستوي ونطفي عليه..

الصوص المجنووون ..

اول خطوه في الخلاط الكاس نحط 2 كاس مويه + 6ملاعق حليب مجفف + ملعقتين طحين + 4 ملاعق قشطة طازجه انا اخذها با الكليوا من العثيم ..

الطريقه تخلط با الخلاط وتوضع على النار مع التحريك لمن تثقل ومو مهم تغلي .. نتركها تبرد ..

ونبداء الخطوه الثانيه الا وهي السر نفرم با السكين ( كزبره وبقدونس وشبت ونعناع وريحان ونص فلفله روميه وملعقه زنجبيل مبشور )

اذا برد الخليط الابيض نحط عليه ها الاشياء ونخلطه مره ثانيه
با الخلاط الكاس ..

قبل التقديم نسلق المكرونه ونحطها في قدر الدجاج مع الصوص
ونحط زيتون شرايح وملعقه جبن سايل ونقلبها على البارد بعدين نولع عليها النار مجرد تقليبتين تدفى الباستا ونقدمها على طووول ..

ملاحظه ..

الصوص يستخدم مع ستيك الدجاج المحمر مع فطر
و شرايح السمك فيليه المحمره مع ملح وفلفل اسود نحط الصوص عليها وندخلها للفرن شويتين مجرد تغلي الصلصه نحمره ونقدمها ..